'పుష్ప-2' విడుదలకు 75 రోజుల సమయం మాత్రమే మిగిలి ఉంది. పాన్ ఇండియా స్థాయిలో భారీగా విడుదల చేయబోతున్న ఈ సినిమాకు ఇప్పుడు రీషూట్లు జరుగుతున్నాయని సమాచారం. ఒకప్పుడు రీషూట్లు అంటే సినిమా ఫలితం మీద ఆందోళన ఉండేది. కానీ ఇప్పుడు, రీషూట్ల ద్వారా సినిమా గుణాత్మకత పెరగడం వల్ల, ఈ ప్రక్రియను తరచుగా ఫాలో అవుతున్నారు. 'పుష్ప-2' టాకీ పార్ట్ దాదాపు పూర్తయింది. కానీ, కొన్ని సన్నివేశాలను రీషూట్ చేయడానికి అల్లు అర్జున్ స్వయంగా సూచించారని తెలుస్తోంది.
కొన్ని సన్నివేశాలు తనకు సంతృప్తి కలిగించకపోవడంతో, హైదరాబాద్ శివార్లలో ఈ రీషూట్లు జరుగుతున్నాయి. ఈ పనిలో మరికొన్ని రోజుల షూటింగ్ మాత్రమే మిగిలి ఉంది. రెండు మూడు వారాల్లో మొత్తం ప్యాచ్ వర్క్ పూర్తి చేయాలని టీం చూస్తోంది. ఈ రీషూట్లు సినిమా నాణ్యతను మెరుగుపరచడానికి తోడ్పడతాయని దర్శకుడు సుకుమార్, నిర్మాతలు విశ్వసిస్తున్నారు. పుష్ప-2 విడుదల ముందు పోస్ట్ ప్రొడక్షన్ పనులను ప్రశాంతంగా పూర్తి చేసి, ప్రేక్షకులకు ఒక సూపర్ హిట్ చిత్రం అందించాలనేది వారి లక్ష్యం. కానీ పరిస్థితులను చూస్తుంటే మళ్ళీ సుకుమార్ చివరి నిమిషం వరకు టెన్షన్ పెట్టేలా ఉన్నాడు అనిపిస్తుంది. మరి అనుకున్న టైమ్ కు ఆయన ఫుల్ వర్క్ ఫినిష్ చేస్తారో లేదో చూడాలి.
Follow
Post a Comment