స్టూవర్ట్ పురం దొంగ బయోపిక్ లో రేణు దేశాయ్? - TollywoodBoxoffice.in

Exclusive Portal for Tollywood Boxoffice

స్టూవర్ట్ పురం దొంగ బయోపిక్ లో రేణు దేశాయ్?


రేణు దేశాయ్‌ని వెండితెరపై చూసి చాలా రోజులైంది.  2003లో వచ్చిన జానీ సినిమా తర్వాత ఆమె ఏ సినిమాలోనూ నటించలేదు. ఇక దాదాపు రెండు దశాబ్దాల గ్యాప్ తర్వాత రేణు మళ్లీ రీఎంట్రీ ఇచ్చేందుకు సిద్ధమైందని ఇప్పుడు టాక్ వస్తోంది.  ఆమె త్వరలో మాస్ మహారాజా రవితేజతో కలిసి నటించనుందట.

అలాగే రేణు దేశాయ్ తెలుగులో రైతుల నేపథ్యంలో సాగే ఒక చిత్రంతో దర్శకురాలిగా పరిచయం కావడానికి ప్లాన్ చేస్తోంది.  ఆమె స్క్రిప్ట్‌ను పూర్తి చేసి, దాని కోసం ప్రీ-ప్రొడక్షన్ పనులను కూడా ప్రారంభించింది.  అయినప్పటికీ, కరోనా కారణంగా అది కొంత ఆలస్యం అవుతోంది. లేటెస్ట్ బజ్ ప్రకారం రవితేజ త్వరలో టైగర్ నాగేశ్వరరావు జీవితం ఆధారంగా ఒక చిత్రాన్ని ప్రారంభించనున్న సంగతి తెలిసిందే.  ఈ సినిమా షూటింగ్ ఈ ఏడాది చివర్లో ప్రారంభం కానుంది.  ఈ చిత్రంలో రేణు రవితేజ సోదరిగా కనిపించనుందని సమాచారం.  రేణుతో మేకర్స్ చర్చలు జరిపారని, ఆమె కూడా ఆ పాత్రలో నటించేందుకు ఆసక్తి చూపిందని తెలుస్తోంది.