మెగాస్టార్ చిరంజీవితో సైరాలో చేసిన తర్వాత, సురేందర్ రెడ్డి అఖిల్‌తో ఏజెంట్ సినిమాను స్టార్ట్ చేసిన విషయం తెలిసిందే. ప్రస్తుతం హైదరాబాద్‌లోఆ మూవీ షూటింగ్ జరుగుతోంది. ఈ ఏడాది చివరి నాటికి మొత్తం చిత్రీకరణ పూర్తవుతుంది. సురేందర్ రెడ్డి త్వరలో పవన్ కళ్యాణ్‌తో కూడా ఒక సినిమా చేసేందుకు ఒప్పుకున్న విషయం తెలిసిందే. వచ్చే ఏడాది ద్వితీయార్ధంలో పవన్ కళ్యాణ్ సినిమా షూటింగ్ స్టార్ట్ చేసే అవకాశం ఉంది.
ఇక సురేందర్ రెడ్డి పవన్ సినిమా షూటింగ్ ప్రారంభించడానికి ముందు మరో చిన్న చిత్రాన్ని ప్లాన్ చేస్తున్నాడు. సురేందర్ రెడ్డి మరియు వక్కంతం వంశీ నితిన్ కోసం స్క్రిప్ట్ రాశారని తెలుస్తోంది. నితిన్ హోమ్ బ్యానర్ శ్రేష్ట్ మూవీస్‌తో పాటు సురేందర్ రెడ్డి ఈ ప్రాజెక్ట్‌ను సంయుక్తంగా నిర్మిస్తారట. ఈ సినిమా షూటింగ్ వచ్చే ఏడాది ప్రారంభంలో ప్రారంభమవుతుంది. మూడు నెలల్లోనే సినిమా పూర్తవుతుందట. ఈ చిత్రం రొమాంటిక్ కామెడీ తరహాలో తెరకెక్కుతుందని సమాచారం. Follow @TBO_Updates
.jpg)