మారుతి - యూవీ క్రియేషన్స్ కు మంచి అనుబంధం ఉండడంతో ప్రభాస్ తో సినిమా చేసేందుకు ఒక మార్గం అయితే దొరికింది. వరుసగా పెద్ద సినిమాలను లైన్ లో పెట్టిన ప్రభాస్ మారుతితో హారర్ కామెడీ చేస్తారని అంటున్నారు. రాజా డీలక్స్ టైటిల్ కూడా ఫిక్స్ అయ్యిందని చెబుతున్నారు. కానీ ఇంకా అఫీషియల్ గా క్లారిటీ అయితే రాలేదు. ఇక మారుతి ఏ సినిమా చేసినా జెట్ స్పీడ్ లో ఫినిష్ చేస్తాడని చెప్పవచ్చు.
ప్రభాస్ కూడా మూడు నెలల్లోపు పూర్తి చేసే ఫన్ ఫుల్ ఎంటర్టైనర్ కోసం వేటలో ఉన్నాడు. అలాంటి స్క్రిప్ట్‌లను మారుతీ హ్యాండిల్ చేయగలడని నమ్ముతున్నాడు. ప్రభాస్ తన పాన్-ఇండియన్ ఇమేజ్‌ని పరిగణనలోకి తీసుకోకుండా ఆనందకరమైన ఎంటర్టైనర్ కథను రాయమని మారుతీని కోరాడట. మూడు నెలల్లో సినిమా షూట్‌ను కూడా పూర్తి చేయాలనుకుంటున్నాడు. స్క్రిప్ట్ పక్క భాషల ప్రేక్షకులకు నచ్చకపోతే తెలుగులో మాత్రమే విడుదల చేయడానికి ప్రభాస్ సిద్ధంగా ఉన్నాడట. ప్రభాస్ స్క్రిప్ట్ విన్న తర్వాత పాన్-ఇండియన్ రిలీజ్ పై తుది నిర్ణయం తీసుకోనున్నట్లు సమాచారం.
Follow @TBO_Updates
