వకీల్ సాబ్ విడుదలై నెలలు గడిచినా, వేణు శ్రీరామ్ తదుపరి ప్రాజెక్ట్‌పై అధికారిక ప్రకటన రాలేదు. వకీల్ సాబ్ ప్రమోషన్‌ల సందర్భంగా దర్శకుడు తన తదుపరి ప్రాజెక్ట్ అల్లు అర్జున్ ఐకాన్ అని తెలిపాడు. 2019లో బన్నీ పుట్టినరోజున ఐకాన్ ప్రారంభించబడింది. అయితే ఎందుకో గాని ఇంకా ఆ ప్రాజెక్ట్ పై పట్టాలెక్కలేదు.
నిర్మాత దిల్ రాజు కూడా పక్కా ఉందని అన్నారు గాని బన్నీ నుంచి అయితే క్లారిటీ రావడం లేదు. మరోవైపు, అల్లు అర్జున్ పుష్ప 2 మరియు కొరటాల శివ ప్రాజెక్ట్‌తో వచ్చే ఏడాది బిజీ కానున్నాడు. ఇక మరోవైపు వేణు శ్రీరామ్ చాలా కాలం క్రితమే ఐకాన్ స్క్రిప్ట్‌ను లాక్ చేసాడు. ఇక బన్నీ కోసం ఇప్పుడు ఏళ్ళ తరబడి ఎదురుచూసే అవకాశం లేదని తెలుస్తోంది. అందుకే వేణు త్వరలో కొత్త ప్రాజెక్ట్ ప్లాన్ చేసి ఈ ఏడాది చివరికల్లా పూర్తి చేస్తాడని అంటున్నారు. దాదాపు అందరు టాప్ హీరోలు ఈ ఏడాది ఇతర దర్శకులతో నిమగ్నమై ఉండటంతో, వేణు ప్రస్తుతం తన కొత్త చిత్రంలో ప్రధాన పాత్ర పోషించడానికి సరైన హీరో కోసం వేటలో ఉన్నాడు. మరికొన్ని రోజుల్లో ఆ హీరో ఎవరనేది ఫైనల్ అవుతుందట.
Follow @TBO_Updates
Post a Comment