ఆచార్య దెబ్బకు లైగర్ మందు.. వరంగల్ శ్రీను రిస్క్?

విజయ్ దేవరకొండ లైగర్ విడుదలకు సిద్ధమవ్వగా ఇప్పుడు బిజినెస్ కు సంబంధించిన నెంబర్లు హాట్ టాపిక్ గా మారుతున్నాయి. తాజాగా ఈ సినిమా ఓవర్సీస్, హిందీ మినహా థియేట్రికల్ రైట్స్‌ను వరంగల్ శ్రీను 80 కోట్ల రూపాయలకు సొంతం చేసుకున్నట్లు టాక్ వస్తోంది.  ఇందులో తెలుగు, తమిళం, కన్నడ, మలయాళం మరియు ఇతర భాషలు ఉన్నాయి.

ఇటీవలి కాలంలో సినిమా థియేటర్లకు జనాల సంఖ్య బాగా తగ్గిపోయిన సమయంలో ఇది ఫ్యాన్సీ డీల్ అనే చెప్పాలి. ఇంతకుముందు లైగర్ యొక్క శాటిలైట్, OTT మరియు ఆడియో హక్కులు భారీ ఆదాయాన్ని పొందినట్లు టాక్ వచ్చింది. ఇక ఇదివరకే చిరంజీవి ఆచార్య సినిమాతో వరంగల్ శ్రీను భారీ నష్టాలను చవిచూశారు.  ఇప్పుడు, అతను ఆ నష్టాలను లైగర్ ద్వారా తిరిగి పొందాలనుకుంటున్నాడు. కానీ విజయ్ లైగర్‌పై కు బలమైన టాక్ వస్తే గాని రికవరీ అయ్యే అవకాశం లేదు. మరి సినిమా ఎంతవరకు క్లిక్ అవుతుందో చూడాలి. ఇక లైగర్ సినిమా ఆగస్ట్ 25న ప్రేక్షకుల ముందుకు రానుంది.
Follow