.jpeg)
మెగాస్టార్ చిరంజీవి ప్రస్తుతం భోళా శంకర్ సినిమాను విడుదల చేసేందుకు రెడీ అవుతున్నారు. అలాగే మరో రెండు సినిమాలు కూడా చర్చల దశలో ఉన్నాయి. కళ్యాణ్ కృష్ణ దర్శకత్వంలో ఒక సినిమా చేసేందుకు దాదాపు గ్రీన్ సిగ్నల్ అయితే ఇచ్చేసాడు. ప్రస్తుతం ఆ సినిమాకు సంబంధించిన స్క్రిప్ట్ పనులు చివరి దశలో ఉన్నాయి. అలాగే బింబిసార దర్శకుడు వశిష్టతో కూడా ఒక సినిమా చేయాలని చర్చలు జరుగుతున్నాయి.
అయితే ఈ తరుణంలో బాలయ్యతో వర్క్ చేస్తున్న మరో దర్శకుడిపై ఫోకస్ చేసినట్లుగా తెలుస్తోంది. భగవంత్ కేసరి సినిమాను అనిల్ రవిపూడి తెరపైకి తీసుకు వస్తున్న విషయం తెలిసిందే. ఇక ఈ సినిమా తర్వాత ఆ దర్శకుడు మెగాస్టార్ చిరంజీవితో సినిమా చేసే అవకాశం ఉందట. ఇప్పటికే కొన్నిసార్లు ఈ దర్శకుడు తో మెగాస్టార్ చర్చలు కూడా జరిపారు. ఇక అనిల్ కు కూడా ఇప్పట్లో పెద్ద హీరోలు దొరికే అవకాశం లేదు. కాబట్టి మెగాస్టార్ తో ఛాన్స్ ను అసలు వదులుకోవద్దు అని ఫిక్స్ అయ్యాడు. త్వరలోనే ఈ కాంబినేషన్ పై క్లారిటీ వచ్చే అవకాశం ఉంది.
Follow
