యువ నటి మీనాక్షి చౌదరి మరో క్రేజీ ప్రాజెక్ట్‌కు సంతకం చేయబోతున్నట్లు కనిపిస్తోంది. త్వరలో ప్రారంభం కానున్న తమిళ స్టార్ విజయ్ యొక్క 68వ చిత్రంలో హీరోయిన్‌గా నటించేందుకు లిస్టులో ఉన్నవారిలో ఈ ముద్దుగుమ్మ ఒకరు. అయితే, తలపతి 68 నిర్మాతలు ఈ విషయంలో అధికారిక ప్రకటన ఇవ్వలేదు.
మీనాక్షి చౌదరి ప్రస్తుతం మహేష్ బాబు గుంటూరు కారం సినిమాలో నటిస్తోంది. అమ్మడు ఇప్పటికే వరుణ్ తేజ్ పీరియాడికల్ యాక్షన్ డ్రామా మట్కాలో నటించే ఛాన్స్ అందుకుంది. దుల్కర్ సల్మాన్ లేటెస్ట్ తెలుగు ప్రాజెక్ట్, లక్కీ భాస్కర్ తో పాటు విశ్వక్ సేన్ తో కూడా ఓ సినిమా చేస్తోంది. మీనాక్షి ఈ సంవత్సరం జూలైలో విజయ్ ఆంథోని యొక్క కొలైతో తమిళంలో అడుగుపెట్టింది. ఇక ఇప్పుడు ఏకంగా విజయ్ తో ఛాన్స్ కొట్టేసింది. త్వరలోనే తలపతి 68 షూటింగ్ ప్రారంభం కానుంది. వెంకట్ ప్రభు దర్శకత్వం వహిస్తున్న ఈ చిత్రాన్ని AGS ఎంటర్‌టైన్‌మెంట్స్‌పై నిర్మిస్తున్నారు. ఈ సినిమా సక్సెస్ అయితే అమ్మడు తమిళ్ లో మరో రేంజ్ కు వెళ్లినట్లే.
Follow
Post a Comment