నందమూరి బాలకృష్ణ తన కెరీర్‌లో మరో గొప్ప మైలురాయిని చేరుకున్న విషయం తెలిసిందే. గత కొన్ని సంవత్సరాలుగా బాలయ్య వరుస విజయాలతో తన మార్కెట్ ను మరింత పెంచుకున్నారు. ఫ్లాపుల తర్వాత "అఖండ" సినిమాతో ఆయన మళ్లీ హిట్ ట్రాక్ లోకి వచ్చారు. బోయపాటి శ్రీను దర్శకత్వంలో వచ్చిన ఈ చిత్రం బ్లాక్ బస్టర్ గా నిలిచి, బాలయ్య అభిమానులను ఉర్రూతలూగించింది. అనంతరం "వీరసింహా రెడ్డి" తో మరో విజయాన్ని సొంతం చేసుకున్న బాలయ్య, అదే సంవత్సరంలో "భగవంత్ కేసరి" సినిమాతో హ్యాట్రిక్ విజయాన్ని నమోదు చేశారు.
అనిల్ రావిపూడి దర్శకత్వంలో వచ్చిన ఈ చిత్రం బాక్సాఫీస్ వద్ద మంచి వసూళ్లు సాధించింది. ప్రస్తుతం, బాలయ్య డైరెక్టర్ బాబీతో కలిసి "NBK 109" అనే సినిమా చేస్తున్నారు, దీనికి సంబంధించిన గ్లింప్స్ ఇటీవల విడుదలయ్యాయి. ఇందులో బాలయ్య మాస్ లుక్, యాక్షన్ సీక్వెన్స్‌లు ఆకట్టుకుంటున్నాయి. అంతేకాకుండా, బాలయ్య, బోయపాటి కాంబినేషన్‌లో "BB 4" సినిమాను ప్రకటించారు. ఈ కాంబో ఇప్పటికే మూడు హిట్ సినిమాలను అందించడంతో, ఈ నాలుగో సినిమాపై భారీ అంచనాలు నెలకొన్నాయి. 14 రీల్స్ బ్యానర్ పై రామ్ ఆచంట, గోపీ ఆచంట నిర్మించనున్న ఈ సినిమాకు బాలయ్య భారీ రెమ్యునరేషన్ అందుకోనున్నట్లు సమాచారం. బాలయ్య ప్రస్తుతం రూ.34 కోట్ల పారితోషికం తీసుకుంటారని టాక్ వినిపిస్తోంది.
ఇంతకుముందు బాలయ్య "రూలర్" సినిమాకు రూ.6 కోట్లు తీసుకున్నప్పటికీ, ఆ తరువాత క్రమంగా తన రెమ్యునరేషన్ పెంచుకుంటూ వచ్చారు. "వీరసింహా రెడ్డి" సినిమాకు రూ.14 కోట్లు, "భగవంత్ కేసరి" సినిమాకు రూ.18 కోట్లు తీసుకున్నారు. ఇప్పుడు "NBK 109" సినిమాకు రూ.30 కోట్లు, "BB 4" సినిమాకు రూ.34 కోట్లు అందుకోనున్నారని సినీ వర్గాల్లో వినిపిస్తోంది. బాలయ్య రెమ్యునరేషన్ పెరిగినంతగా, ఆయన మార్కెట్ కూడా అదే స్థాయిలో పెరుగుతోంది. పెద్ద బడ్జెట్ తో తీస్తున్న చిత్రాలు బాలయ్యకు భారీ వసూళ్లు అందిస్తున్నాయి. నష్టాలు లేకుండా నిర్మాతలు సేఫ్ అవుతున్నారు. దీంతో, అనేక తెలుగు నిర్మాతలు బాలయ్యతో కలిసి పని చేయాలని ఆసక్తి చూపుతున్నారు.
Follow
Post a Comment